Apapun Alasannya Jang Sampe Ale Ada Mantan di Ambon

~Kalau ale rindu rasanya lebe ancur lele nyong~

Ambon, kota musik yang juga menyimpan rindu di setiap jikunya. Jadi seng salah kalau Ambon itu dijuluki Ambon Manise. Mulai dari masyarakatnya yang ramah, lingkungannya yang menentramkan, kelezatan kuliner yang  bikin ketagihan hingga wisata yang membuat liburan makin berkesan. Satu yang beta pahami, Ambon menyimpan sejuta keindahan yang seng bisa dijelaskan deng kata-kata.

Sekian kerinduan ini pasti dirasakan juga oleh ale dong yang pernah merantau atau bahkan tinggal di kota kacumpit ini. Meninggalkan Kota Ambon sama saja deng ale tanam biji-biji rindu yang akang terus tumbuh subur. Kenangan di Ambon akang tarus membekas dan seng mudah dilupakan, apalagi bersama deng ale pung pasangan terbaik, paling terbaik.

Lebe parah lai kalo ale ada kenangan deng gebetan yang biking ale bertepuk sebelah tangan, karena tamang bae potong di tikungan, atau malah dia su jadi mantan karena ale pi sekolah tarus tamang bae kaweng akang. Ado eee, dia pung saki, padis lawang

Coba ale bayangkan, kalau Ambon saja su sukses bikin rindu yang sulit diobati, tarus apa kabar ale yang punya kenangan deng mantan terindah di kota ini?. Betapa tarika-tapalakanya ale pung rasa di dada sebab melihat setiap jiku-jiku Ambon seakan-akan ale ada lia dia disana.  Iyo to?... Batul ka seng? Sudah eee, mangaku saja kalo ale pung air mata tumpah balandong.

Terutama untuk ale yang pernah merasakan hidup di Ambon cukup lama. Entah itu saat kuliah, karja atau bahkan tinggal menetap, sampe tau Ambon pung huk-huk smerlap deng jiku-jiku onosel.

Merasakan kehidupan Kota Ambon yang penuh deng keindahan di setiap sisinya. Menghabiskan waktu bersama menyusuri pantai-pantai pasir putih yang penuh dengan kerinduan. Menapaki setiap sudut Kota Ambon bersama akang membuat ale semakin sulit melupakannya. Makan rujak di Pantai Natsepa,  jalan-jalan di Ambon Plaza, dan wisata di tempat yang penuh keromantisan selalu mengingatkan ale padanya.

Datang kombali di tempat yang dulu pernah ale berdua singgahi, hanya akan membangkitkan kerinduan yang sulit diobati. Jang coba-coba kalau seng bawa lenso atau tisu  satu karong tuang hati jantong. Jomblo sa bisa baper sampe sukses kalau inga Ambon, kong  ale lai yang pung kisah pilu bersama mantan. Cukar deleng, akang rasa sama deng terluka dalam kaapa e?.

Buat ale dong yang pernah punya story  di Ambon, memang bukan perkara mudah. Sebab ale pasti merasakan rindu namun dibalut rasa pilu. Inga Ambon sama halnya ale inga dia. Inga setiap jejak yang pernah ale tinggalkan bersama, berdua. Melihat ale berdua pung bayangan di sudut-sudut kota. Mungkin memang banyak kenangan manis yang ale berdua lewati, tapi kenangan itu juga akan dibalut rasa pilu, karena dia su pigi kastinggal ale sandiri. Jadi, apa yang ale inga tentang Ambon? Pasti tetap manis to?

Jadi par ale dong yang baru nae-nae badan kong su mulai ambor cinta kiri-kanan, Apapun alasannya, jang sampe ale ada mantan di Ambon.

Biar Ambon bisa dikenang tanpa meninggalkan bekas luka paitnya hubungan, mendingan jang pacaran deng orang Ambon kalau cuma for main-main. Memang sih pesona orang Ambon susah untuk ditolak, (dong biasa sa cuma dong sadap) jadi kalo ale seng serius mending seng usah. Sebab meninggalkan orang Ambon itu perkara mudah, tapi bagian tersulitnya adalah jatuh bangun merawat kehilangan yang ale ciptakan sandiri. Ale sanggup?. Bisa kong?

Bagaimanapun juga, Ambon memang manis. Ambon selalu berhasil menumbuhkan kerinduan di hati katong samua yang pernah dan sudah minum air disana. Membantu melukis kenangan yang -bahkan- seng akang pernagh bisa hilang. Kenangan yang membuat katong samua ingin terus meluangkan waktu untuk kombali dan menuntaskan kerinduan di hati. Ole sio…